काठमाडौँ, ४ माघ
नेपाली कम्युनिस्ट पार्टी (नेकपा) ले बारा निर्वाचन क्षेत्र नम्बर २ बाट रमेश प्रसाद यादवलाई प्रतिनिधिसभा सदस्यको उम्मेदवार बनाएको छ।

पार्टीले बाराको अन्य निर्वाचन क्षेत्रमा उम्मेदवार टुङ्गो लगाउन सकेको छैन, तर बारा–२ को लागि यादवको नाम एकल सिफारिस भएको थियो। यादवले आफू बारा–२ का स्थानीयवासी भएको र उक्त क्षेत्रबाट उम्मेदवारी दर्ता गर्न तयार रहेको बताएका छन्।

यादव २०७४ सालमा राष्ट्रिय सभा सदस्य पनि रहिसकेका छन्। उनको राजनीतिक यात्रा २०५८ सालमा नेपाल सद्भावना पार्टीका अध्यक्ष गजेन्द्र नारायण सिंह नेतृत्वको पार्टीबाट सुरु भएको थियो। त्यसपछि उनी मधेशवादी दल, नेकपा माओवादी, र पछिल्लो समय महेन्द्र यादव नेतृत्वको नेपाल समाजवादी पार्टीमा महासचिव पदमा रहे। सो पार्टी अहिले नेकपा सँग एकीकृत भइसकेको छ।

बारा–२ बाट यसअघि निर्वाचित रामसहाय प्रसाद यादव उपराष्ट्रपति बनेपछि २०८० बैशाख १० गतेको उपनिर्वाचनमा गठबन्धनबाट जसपा अध्यक्ष उपेन्द्र यादव निर्वाचित भएका थिए।

बारा–२ मा करिब १ लाख मतदाता रहेका छन् र पाँच वटा स्थानीय तह पर्दछन्। यसमा महागढीमाई र पचरौता नगरपालिका तथा करैयामाई, सुवर्ण र देवताल गाउँपालिका समावेश छन्।

यससँगै निर्वाचन क्षेत्रको राजनीतिमा नयाँ चरण सुरु हुने देखिन्छ।