काठमाडौँ । भाटभटेनी सुपरमार्केटले भदौ २३–२४ को आन्दोलनमा क्षतिग्रस्त भएको गोदामको पुनर्निर्माण गरी बिहीबार उद्घाटन गरेको छ। सुपरमार्केटका अध्यक्ष मीनबहादुर गुरुङले उद्घाटन समारोहमा “हे भगवान मेरो देश नेपालमा अब यस्तो कहिल्यै नहोस्” भनी प्रार्थना गरे। करिब ७० दिनको मिहिनेतपछि सञ्चालनमा आएको गोदाम दैनिक १६ घण्टासम्मको परिश्रमको नतिजा हो।

आन्दोलनका क्रममा भाटभटेनीका २८ मध्ये २१ स्टोरमा क्षति पुगेको थियो र करिब १४ अर्बको आर्थिक नोक्सान भएको थियो। यसअघि दुर्गा प्रसाइँ समूहको अराजक आन्दोलनको क्रममा पनि भाटभटेनी प्रभावित भएको थियो। गुरुङले व्यवसायिक नोक्सानबारे भने भन्दा बढी देशको चिन्ता व्यक्त गरेका थिए।

सामान्य परिवारबाट उठेका गुरुङले भाटभटेनी मार्फत वार्षिक ३२ अर्ब रुपैयाँ कारोबार गर्दै आएका छन् र यसै महिना सबैभन्दा बढी कर तिर्ने व्यवसायीको रुपमा सम्मानित भएका थिए। उनले व्यवसायिक चुनौतीहरूलाई “स्वीट पेन”को रूपमा स्वीकार्दै कहिल्यै नथाकी अघि बढ्ने प्रतिबद्धता व्यक्त गरे।

भाटभटेनीले दशैंअघि नै २८ मध्ये २१ स्टोर सञ्चालनमा ल्याइसकेको छ भने बाँकी स्टोरहरू धमाधम पुनर्निर्माण भइरहेको छ। साथै, कम्पनीले क्षतिकाबीच पनि आफ्ना सबै कर्मचारीको रोजगारी र नियमित तलब भत्ता भुक्तानी सुनिश्चित गरेको जनाएको छ।