भियतनाममा गत एक हप्तामा निरन्तर वर्षा, बाढी र भूस्खलनका कारण कम्तीमा ९० जनाको मृत्यु भएको छ। धेरै नागरिक अझै छत र पहाडी सडकमा फसेका छन्। दक्षिण–मध्य भियतनामका सहरहरूमा बाढीले आर्थिक नोक्सानी गरेको छ; न्हा ट्राङ डुबानमा परेको छ र दा लाट वरिपरिका उच्च भूभागमा घातक भूस्खलन भएको छ।

डाक लाक प्रान्तमा मात्रै ६० भन्दा बढी मृत्यु भएका छन्, दशौँ हजार घर डुबानमा परेको बताइएको छ। बजार र कृषि क्षेत्र समेत ठूलो क्षतिमा परेको छ भने ८० हजार हेक्टरभन्दा बढी बाली नष्ट र ३२ लाख गाई–वस्तु वा कुखुरा मरे वा बगाइको छ। सरकारले हेलिकप्टर र राहत सामग्री परिचालन गरेको छ।

वातावरण मन्त्रालयले पाँच प्रान्तमा करिब ३४.३ मिलियन डलर बराबरको आर्थिक क्षति भएको अनुमान गरेको छ। वैज्ञानिकहरू जलवायु परिवर्तनका कारण चरम मौसमका घटनाहरू बढ्दै गएको चेतावनी दिँदै आएका छन्।