नयाँ दिल्ली — भारतको विदेश मन्त्रालयले बंगलादेशकी पूर्व प्रधानमन्त्री शेख हसिनामाथि इन्टरनेशनल क्राइम्स ट्रिब्युनलले सुनाएको फैसलाबारे आफू जानकार रहेको बताएको छ।

सोमबार जारी विज्ञप्तिमा मन्त्रालयले भारत बंगलादेशको नजिकको छिमेकी भएको नाताले त्यहाँको **शान्ति, लोकतन्त्र, समावेशिता र स्थिरता**प्रति प्रतिबद्ध रहने उल्लेख गरेको छ।

विज्ञप्तिमा भनिएको छ, “भारत बंगलादेशका जनताको सर्वोत्तम हितमा प्रतिबद्ध छ। शान्ति, लोकतन्त्र, समावेशिता र स्थिरताको प्रवर्द्धनका लागि भारत सधैं सबै पक्षसँग रचनात्मक रूपमा संलग्न रहन्छ।”

भारतले बंगलादेशसँगको सम्बन्धलाई दीगो र स्थिर बनाउने प्रयास निरन्तर जारी रहने पनि स्पष्ट पारेको छ।

बंगलादेशको अदालतले भारतमा निर्वासन जीवन बिताइरहेकी शेख हसिनालाई मृत्युदण्ड सुनाएपछि भारतले आफ्नो आधिकारिक धारणा सार्वजनिक गरेको हो।