काठमाडौं । रुस-युक्रेन युद्ध अन्त्य गरी शान्ति स्थापना सम्झौताका लागि अमेरिका र रुसका अधिकारीहरुले यूएईको आबुधाबीमा भेटवार्ता गर्ने भएका छन् ।

बीबीसीका अनुसार जेनेभामा अमेरिका र युक्रेनी अधिकारीहरुले शान्ति वार्ताको मस्यौदामा छलफल गरेपछि यो वार्ता हुन लागेको हो । 

गएराति युक्रेन र रुसले एकअर्कामाथि ड्रोन र मिसाइल आक्रमण गर्दा दुवैतिर गरेर पाँच जनाको मृत्यु भएको थियो । जेनेभामा भएको वार्तापछिको सम्झौताको संशोधित खाकालाई युक्रेनी राष्ट्रपति भोलोदिमिर जेलेन्स्कीले शान्ति योजनामा महत्त्वपूर्ण कुराहरु समावेश भएको बताएका थिए ।