सल्यान जिल्लाभर युवाहरूको सशक्त उपस्थिति जनाउँदै सक्रिय रहेको 'Gen-Z सल्यान' अभियानले आफ्नो संगठन विस्तारलाई तीव्र पारेको छ । यसै क्रममा, आज दार्मा गाउँपालिकामा युवा भेला सम्पन्न गरी नविन खड्का को संयोजकत्वमा ६५ सदस्यीय 'Gen-Z दार्मा' समिति गठन गरिएको छ।

नवगठित समितिको नेतृत्व टिममा मेघा वलि सह–संयोजक, नरेश कार्की कोष संयोजक, रविन कुमार बुढा प्रवक्ता, सन्दिप वलि अनुशासन प्रमुख, सुमन परियार परिचालन प्रमुख, र घनराज खड्का सञ्चार तथा समन्वय प्रमुखका रूपमा चयन भएका छन् ।

भेलाले गाउँपालिकाभर Gen-Z दार्माको सशक्त उपस्थितिलाई सुदृढ बनाउन, सामाजिक सचेतना अभिवृद्धि गर्न र स्थानीय सरकारका कामकारवाही प्रति खवरदारी गर्ने निर्णय गरेको छ। यसका साथै, समितिले तत्कालै वडास्तरमा संगठन विस्तार गर्ने जनाएको छ।

जिल्ला अध्यक्षद्वारा स्वागत:

दार्मा गाउँपालिकामा समिति गठन भएकोमा Gen-Z सल्यानका जिल्ला अध्यक्ष युबराज खड्का ले स्वागत व्यक्त गरेका छन्। करिब एक महिनाअघि जिल्ला नेतृत्व सम्हालेका अध्यक्ष खड्काले सचेत युवाहरूलाई जोडेर सल्यानको विकासमा तीव्रता ल्याउने आफ्नो प्रतिबद्धता अनुरुप अभियानले अब गाउँपालिका तहसम्म ऊर्जा प्राप्त गरेको बताए।

युवाहरूको ऊर्जा र नवीन विचारलाई जिल्ला विकाससँग जोड्ने समग्र Gen-Z अभियान सल्यानको समृद्धिमा निर्णायक भूमिका खेल्न तयार रहेको अध्यक्ष खड्काले स्पष्ट पारेका छन्।