आज सोमबार तिहारको महत्त्वपूर्ण दिन लक्ष्मीपूजाको अवसरमा राजधानीका विभिन्न बजारहरूमा फूलको कारोबार बढेको छ। धनधान्यकी देवी लक्ष्मीको पूजाआजा गरिने भएकाले फूलको माग उच्च भएको हो।

खासगरी न्यूरोड, असन, कालिमाटी लगायतका ठाउँहरूमा फूल किन्न आउने उपभोक्ताहरूको ठुलो भीड लागेको छ। तिहारको पूजा र सजावटका लागि माला तथा खुल्ला फूलको किनबेच भइरहेको छ।

कालिमाटी फलफूल तथा तरकारी बजार क्षेत्रमा पनि फूल किन्ने र बेच्नेहरूको चहलपहल उल्लेख्य छ। तिहारका लागि सयपत्री, मखमली लगायतका फूलहरूले बजार भरिएका छन्, जसले गर्दा बजारको रौनक थपिएको छ। उपभोक्ताहरूले बिहानैदेखि तिहारको तयारीका लागि फूल किनिरहेका छन्।