टर्कीको उत्तरपश्चिमी प्रान्त बालिकेसिरमा आइतबार ६.१ रेक्टर स्केलको भूकम्प आएको छ। केन्द्रबिन्दु सिन्डिर्गी सहरमा भएको भूकम्पका कारण करिब दर्जनौँ भवन भत्किएका छन् भने कम्तीमा दुई जना भग्नावशेषमा फसेका छन्।

भूकम्पका झट्का करिब २०० किलोमिटर टाढा अवस्थित १ करोड ६० लाख जनसङ्ख्या भएको इस्तानबुलसम्म महसुस गरिएको थियो। नजिकैको गोल्चुक गाउँमा केही घर र मस्जिदको मिनार पनि भत्किएको छ।

स्वास्थ्य मन्त्रीका अनुसार चार जना घाइतेको अस्पतालमा उपचार भइरहेको छ र उनीहरूको अवस्था खतरामुक्त छ। उद्धारकर्मीहरू भग्नावशेषमा फसेकाहरूलाई निकाल्ने प्रयासमा छन्।

टर्कीको विपद् व्यवस्थापन निकायले ४.६ रेक्टरको पराकम्पसहितका पराकम्प आउने सम्भावना रहने भन्दै क्षतिग्रस्त भवनमा नजान आग्रह गरेको छ। राष्ट्रपति रेचेप तैयप एर्दोगानले प्रभावित नागरिकप्रति सहानुभूति प्रकट गर्दै शीघ्र स्वास्थ्यलाभको कामना गरेका छन् ।