नेकपा (एकीकृत समाजवादी) का अध्यक्ष माधवकुमार नेपालले आउँदो चुनावमा पार्टीले एकल उम्मेदवारी दिने बताएका छन्।

यसअघि गठबन्धन गरेर चुनावमा उम्मेदवारी दिएको भए पनि अब पार्टीले एक्लै चुनाव लड्ने उनले बताए। त्यसका लागि तयारीमा लाग्ने नेपालले नेता कार्यकर्तालाई निर्देशन दिएका छन्।

‘एक्लै चुनावमा लड्ने गरी चुनावको तयारी गर्नुस् । हाम्रो पार्टी निरकुंश प्रवृतिविरुद्ध लडेर जन्मिएको हो,' उनले भने ।
गोरखा- काठमाडौं सम्पर्क मञ्चले काठमाडौंमा आयोजना गरेको कार्यक्रममा उनले आफ्नो पार्टी विभाजन हुन लागेको भनेर हल्ला फैलाइएको भन्दै झुटको पछाडि नलाग्न आग्रह गरे।