काठमाडौं । नेकपा एकीकृत समाजवादीले मधेश प्रदेशमा जनमत पार्टी नेतृत्वको सरकारलाई समर्थन गर्न तयार भएको छ ।

मधेशमा सत्ता गठबन्धनकै सरकार बन्ने पार्टीका सम्मानित नेता झलनाथ खनालले बताउनुभएको हो। उहाँले भन्नुभयो,-'हामीले गत फागुन २३ गते सत्ता गठबन्धनमा सामेल हुने निर्णय गरेका छौं। अर्को निर्णय गर्नुपर्ने जरूरत छैन । मधेश प्रदेशमा गठबन्धनकै सरकार बन्छ ।’ 

 जनता समाजवादी पार्टी नेतृत्वको वर्तमान सरकारबाट बाहिरिंदै नेकपा एमालेसहितका दलसँग नयाँ सरकार बनाउने निर्णय भएको छ । मधेशका मुख्यमन्त्री सरोजकुमार यादवले बुधबार विश्वासको मत लिने तयारी गर्नुभएको हो ।

त्यसअघि एकीकृत समाजवादीले सरकारबाट बाहिरिने र समर्थन फिर्ता लिने तयारी गरेको छ ।