प्रधानमन्त्री पुष्पकमल दाहाल ‘प्रचण्ड’ले मन्त्रिपरिषद्को आकस्मिक बैठक बोलाएका छन्।

पेट्रोलियम पदार्थमा भएको मूल्यवृद्धिबारे निर्णय गर्न साढे १२ बजे बस्नेगरी मन्त्रिपरिषद्को बैठक बोलाएको प्रधानमन्त्रीको सचिवालयले जानकारी दिएको छ।

जनताको कमजोर क्रयशक्ति र चाडबाड मुखैमा आएको अवस्थालाई ख्याल गरी आयल निगमले सरकारको राजनैतिक नेतृत्वसङ्ग परामर्श गरेर मात्र निर्णय गरिनु पर्नेमा त्यो नभएकोमा प्रधानमन्त्री गम्भीर ध्यानाकर्षण भएको र सोबारे निर्णय गर्न मन्त्रिपरिषद्को बैठक बोलाइएको प्रधानमन्त्रीका प्रेस संयोजक सूर्यकिरण शर्माले जानकारी दिए।