बालेन र मन्त्री झाँक्रीको प्रशंसा गगन थापाले गरे
नेपाली काँग्रेसका महामन्त्री तथा सांसद गगन थापाले काठमाडौं महानगरको फोहोर व्यवस्थापनप्रति प्रमुख बालेन शाह र शहरी विकासमन्त्री रामकुमारी झाँक्रीको प्रशंसा गरेका छन् ।
पूर्वस्वास्थ्य मन्त्री समेत रहेका थापाले काठमाडौं महानगरको फोहोर उठ्न थालिएको भन्दै प्रमुख शाह र झाँक्रीको प्रशंसा गरेका हुन् ।
उनले आगामी दिनमा पुन: फोहोर सङ्कट आउन नदिन केहि काम तत्काल र तदारुकताका साथ गर्नुपर्ने थापाले बताएका छन् ।केही दिनअघि शहरी विकास मन्त्रालय र काठमाडौं महानगरपालिकाको पहलमा सिसडोल–बञ्चरेडाँडाका स्थानीयहरुसँग फोहोर व्यवस्थापनका लागि सहमति भएको थियो ।
साथै अब उक्त स्थानमा काठमाडौंको फोहोर व्यवस्थापन हुने छ । स्थानीयको माग सम्बोधन गर्दै काठमाडौं महानगरपालिकाले १८ बुदे सहमति गरेको छ ।