एकको मृत्यु, १८ जना घाइते
(अछाम) अछाममा बस दुर्घटना हुदाँ एक जनाको मृत्यु भएको छ। जिल्लाको चौरपाटी गाउँपालिका- ७ मार्कुमा भएको बस दुर्घटनामा एक जनाको मृत्यु भएको हो।
मृत्यु हुनेमा साँफेबगर नगरपालिका–३ का १९ वर्षीय निरज कुँवर रहेको जिल्ला ट्राफिक कार्यालय अछामका देबेन्द्र खड्काले बताए। उनका अनुसार मंगलसेनबाट धनगढीतर्फ गइरहेको ना ४ ख ९९७२ नम्बरको बस दुर्घटना हुदाँ चालकसहित १८ जना घाइते भएका छन्। बस दुर्घटनाको थप विवरण आउन बाँकी रहेको छ।
