अमेरिकाको राष्ट्रपतिमा हालै निर्वाचित भएका जो बाइडेनले एन्टोनी ब्लिन्केनलाई आफ्नो विदेश मन्त्री बनाउने भएका छन्। 

अमेरिकी सञ्चारमाध्यमहरूले विभिन्न स्रोतहरूलाई उद्धृत गर्दै यसअघि उप विदेश मन्त्रीको जिम्मेवारी निभाइसकेका ब्लिन्केन जनवरी २० पछि अमेरिकाको विदेश मन्त्री बन्न लागेको उल्लेख गरेका छन्। 

ब्लिन्केन २०  वर्षदेखि निरन्तर बाइडेनको साथमा छन्। उनी ओबामा प्रशासनमा बाइडेनका राष्ट्रिय सुरक्षा सल्लाहकार थिए। उनले बिल क्लिन्टन राष्ट्रपति हुँदा अमेरिकाको विदेश मन्त्रालयमा करियर सुरू गरेका थिए। 

ब्लिन्केन विदेश मन्त्री नियुक्त भए उनी राष्ट्रपति डोनाल्ड ट्रम्पले अस्तव्यस्त पारेको अमेरिका परराष्ट्र सम्बन्धलाई पहिलाकै रूपमा ल्याउन महत्वपूर्ण भूमिका खेल्ने अपेक्षा गरिएको छ।