कोरोना संक्रमित पुरुषको चितवनमा मृत्यु
मकवानपुरका एकजना कोरोना संक्रमित पुरुषको चितवनमा उपचारको क्रममा मृत्यु भएको छ ।
चितवन मेडिकल कलेजमा उपचाररत मकवानपुरको हेटौंडा उपमहानगरपालिका वडा नं. १५ का ४९ वर्षीय पुरुषको गएराति ११ बजेर १० मिनेटमा मृत्यु भएको अस्पतालका निर्देशक प्रा.डा. दयाराम लम्सालले जानकारी दिए ।
हेटौंडास्थित आयुर्वेद तथा जनस्वास्थ्य प्रवर्द्धन शाखामा यही कात्तिक २४ गते उनमा कोरोना संक्रमण पुष्टि भएको थियो ।
श्वासप्रश्वासमा समस्या भएपछि उनी अस्पताल भर्ना भएका थिए । चितवन मेडिकल कलेजको कोभिड आईसीयूमा राखेर उनको उपचार भइरहेको थियो ।
