भारतीय पत्रकार अर्नबलाई रिहा गर्न उच्च अदालतद्वारा अस्वीकार
भारतीय पत्रकार अर्नब गोस्वामीको जमानतमा रिहा नहुने भएको छ ।
भारतको मुम्बईको उच्च अदालतले जमानतमा रिहा गर्न अस्वीकार गरेपछि भारतको रिपब्लिक टेलिभिजनका संस्थापक समेत रहेका गोस्वामी हिरासतमा नै रहनेछन् । उनी आत्महत्या दुरुत्साहनको मुद्दामा हिरासतमा पुगेका हुन् । उनलाई गतसाता हिरासतमा लिइएको थियो ।
अर्नबमाथि स्टुडियो डिजाइन गर्ने इन्टेरियर डिजाइनरलाई आत्महत्याका लागि बाध्य पारेको आरोप लागेको छ । उनले उक्त आरोप अस्वीकार गर्दै आएका छन् ।
सोमबार उच्च अदालतले आफ्नो फैसला सुनाउँदै यो निर्णयविरुद्ध अर्नबले चाहेमा अबको चार दिनमा उनी फैसलाविरुद्ध न्यायालयमा जान सक्ने बताएको छ ।
