काठमाडौं उपत्यकामा थप ३ सय २६ जनामा कोरोना भाइरसको संक्रमण पुष्टि भएको छ। सोमबार स्वास्थ्य मन्त्रालयले दिएको जानकारीअनुसार पछिल्लो २४ घण्टामा थप ३ सय २६ जनामा कोरोना संक्रमण भेटिएको हो।

त्यसमध्ये काठमाडौंका २ सय ९३ जना, ललितपुरका २० जना, र भक्तपुरका १३ जना छन्।

उनीहरूको विभिन्न प्रयोगशालामा परीक्षण गरिएको थियो। पछिल्लो २४ घण्टामा नेपालमा थप ९ सय ७९ जनामा कोरोना भाइरसको संक्रमण पुष्टि भएको छ। त्यस्तै ११ जनाको मृत्यु भएको स्वास्थ्य मन्त्रालयले जनाएको छ।

योसँगै मृत्यु हुनेको संख्या तीन सय पुगेको छ। पछिल्लो २४ घण्टामा एक हजार सात सय ३६ जना निको भई घर फर्किसकेका छन्।