काठमाण्डौ, १५ भाद्र   । बंगलादेश र कतारका लागि नेपालको आवासीय राजदूत पदमा नियुक्त हुनु भएका राजदूतहरुले पद तथा गोपनीयताको सपथ ग्रहण गर्नु भएको छ । राष्ट्रपतिको कार्यालय शीतल निवासमा आयोजित एक समारोहमा उहाँहरुले राष्ट्रपति विद्यादेवी भण्डारीसमक्ष पद तथा गोपनीयताको सपथ ग्रहण गर्नु भएको हो । 

सपथ ग्रहण गर्नेमा बंगलादेशका लागि नेपालको आवासीय राजदूत पदमा नियुक्त हुनु भएका डाक्टर वंशीधर मिश्र र कतारका लागि नेपालको अवासीय राजदूत पदमा नियुक्त हुनु भएका डाक्टर नारदनाथ भारद्वाज हुनुहुन्छ ।सपथ ग्रहण कार्यक्रममा परराष्ट्र मन्त्री प्रदीपकुमार ज्ञवालीलगायत नेपाल सरकार उच्च पदस्थ अधिकारीहरुको पनि सहभागिता रहेको थियो ।

     रासस