इराकले तेल तथा ऊर्जा क्षेत्रको विकास र आर्थिक सहकार्य विस्तारका लागि अमेरिकी कम्पनीहरूसँग ४८ वटा सम्झौता तथा साझेदारीमा हस्ताक्षर गरेको छ। प्रधानमन्त्री अली अल–जैदीको अमेरिका भ्रमणका क्रममा भएका अधिकांश सम्झौता तेल तथा ऊर्जा क्षेत्रसँग सम्बन्धित रहेका प्रधानमन्त्री कार्यालयले जनाएको छ।

सम्झौताअन्तर्गत इराकका तेल तथा विद्युत् मन्त्रालयले एक्सनमोबिल, केबीआर, जीई भेर्नोभा, शेल र ह्यालिबर्टनलगायत अमेरिकी कम्पनीसँग सहकार्य गर्ने भएका छन्। साथै, इराक–सिरियाबीच कच्चा तेल ढुवानीका लागि पाइपलाइन निर्माण र स्टारलिंकसँग स्याटेलाइट इन्टरनेट सेवा सञ्चालनसम्बन्धी सहमति पनि भएको छ।

ह्वाइट हाउसमा अमेरिकी राष्ट्रपति डोनाल्ड ट्रम्पसँग भएको भेटमा प्रधानमन्त्री जैदीले इराकको अर्थतन्त्र सुधार र इरान समर्थित सशस्त्र समूहलाई निशस्त्र पार्ने प्रतिबद्धता व्यक्त गरेका थिए। नयाँ सम्झौताले ऊर्जा क्षेत्रको विस्तारसँगै इराकको आर्थिक पुनरुत्थानमा टेवा पुग्ने अपेक्षा गरिएको छ।