मध्यपूर्वमा जारी द्वन्द्व थप चर्किएको छ। यमनका हुथी विद्रोहीहरूले साउदी अरेबियाका बन्दरगाह अवरुद्ध गर्ने चेतावनी दिएका छन् भने इरानले खाडी क्षेत्रमा रहेका अमेरिकी सैन्य संरचनामाथि थप शक्तिशाली आक्रमण गर्ने चेतावनी दिएको छ।

अमेरिकाले आफ्ना सैनिकमाथिको आक्रमणपछि इरानविरुद्ध नयाँ सैन्य कारबाही सुरु गरेको जनाएको छ। यसैबीच, इरानले होर्मुज जलडमरूमध्य क्षेत्रमा दुई तेल ट्यांकर नियन्त्रणमा लिएको दाबी गरेको छ, यद्यपि यसको स्वतन्त्र पुष्टि हुन बाँकी छ।

बढ्दो तनावका कारण विश्वको प्रमुख तेल आपूर्ति मार्ग होर्मुज जलडमरूमध्य प्रभावित हुने र अन्तर्राष्ट्रिय बजारमा कच्चा तेलको मूल्य बढ्न सक्ने चिन्ता बढेको छ।