काठमाडौँ – कर्तव्य ज्यान (ज्यान सम्बन्धी कसुर) मुद्दामा फरार रहेका पर्वतका रेशम बहादुर राना इन्टरपोलको सहयोगमा संयुक्त अरब इमिरेट्स (युएई)बाट पक्राउ परेका छन्।

एनसिबि अबुधाबीको समन्वयमा पक्राउ परेका रानालाई शुक्रबार नेपाल ल्याइएको नेपाल प्रहरी प्रधान कार्यालय इन्टरपोल शाखाले जनाएको छ। उनलाई सम्बन्धित मुद्दामा कानुनी कारबाहीका लागि जिल्ला प्रहरी कार्यालय पर्वतबाट खटिएको टोलीलाई बुझाइएको हो।

जिल्ला अदालत पर्वतले २०६९ माघ १५ गते कर्तव्य ज्यान मुद्दामा रानालाई जन्मकैद (२० वर्ष) सजाय तोकेको थियो। फैसलापछि फरार रहेका उनलाई खोजतलासका लागि नेपाल प्रहरीको अनुरोधमा इन्टरपोल महासचिवालयले २०८१ जेठ १९ गते रेड नोटिस जारी गरेको थियो।

प्रहरीका अनुसार फरार अभियुक्त रानालाई अब अदालतको फैसलाअनुसार कानुनी प्रक्रिया अघि बढाइनेछ।