काठमाडौँको गोकर्णेश्वर नगरपालिका वडा नम्बर–१ सुन्दरीजल स्थित बिपी चोकमा सवारी दुर्घटना हुँदा मोटरसाइकल चालकको मृत्यु भएको छ । 

बिग्रिएको बा.१२ च २६९७ नम्बरको बोलेरोलाई टुचिन लगाएर तान्दै हिँडेको बा.५ ख ११६८ नम्बरको निशान टिप्परले मोटरसाइकललाई ठक्कर दिएको हो । दुर्घटनामा बा.५ ख ११६८ नम्बरको मोटरसाइकल चालक अनुज ढकालको मृत्यु भएको जिल्ला प्रहरी परिसर काठमाडौँका एसपी अपिल बोहराले बताए । 

कागेश्वरी मनोहरा नगरपालिका–१ घर भएका ढकालको उपचारको क्रममा नेपाल मेडिकल कलेजमा मृत्यु भएको हो । टिप्पर चालक अशोक रोक्का र बोलेरो चालक ओखलढुङ्गा खिजिदेम्बा गाउँपालिका–४ घर भएर सुन्दरीजल बस्ने ३९ वर्षीय सरोज तामाङलाई प्रहरीले पक्राउ गरेको छ ।