स्वतन्त्र विद्यार्थी युनियन गलकोट बहुमुखी क्याम्पसको सभापतिमा अनेरास्ववियु (क्रान्तिकारी)का प्रभात साहानी निर्वाचित भएका छन् । मंगलबार भएको  निर्वाचनबाट सभापतिमा साहानी निर्वाचित भएका हुन् । 

साहानीले प्रतिस्पर्धी संयुक्त प्यानलकी रेनुका परियारलाई ४१ मतले पछाडि पार्दै ९९ मत लिएर विजयी भएका हुन्।  परियारले ५८ मत ल्याएकी थिइन् । 

अनेरास्ववियु क्रान्तिकारीबाट सचिवमा पवन विकले ८५ मत, कोषाध्यक्ष स्मृति बुढाथोकीले ८९ मत ल्याएर विजयी भए । सदस्यमा क्रान्तिकारीका अजय केसीले ८२ मत, प्रमिला विकले ८८ मत र निकीता साहनीले ९० मत प्राप्त गरी विजयी भएका छन् । 

समानुपातिक तर्फ अनेरास्ववियु (क्रान्तिकारी)ले ८३ मत प्राप्त गरेको छ, भने नेविसंघले ५१ मत, अनेरास्ववियुले ४ मत र अखिल छैठौले १३ मत प्राप्त गरेका छन् । यससँगै समानुपातिक तर्फ अखिल क्रान्तिकारीले ३ वटा र नेवि संघबाट २ वटा सदस्य पाउने भएको छ ।