सिरियाको अवस्थाबारे छलफल गर्न रुसले संयुक्त राष्ट्रसङ्घ सुरक्षा परिषद्को आकस्मिक बैठक बोलाएको छ । बैठक सोमबार हुने आशा गरिएको संयुक्त राष्ट्रसङ्घका लागि रुसका प्रथम उप–स्थायी प्रतिनिधि दिमित्री पोल्यान्स्कीले टेलिग्राममा लेखेका छन् ।

समाचार एजेन्सी एएफपीले पनि कूटनीतिज्ञहरूलाई उद्धृत गर्दै एउटा बैठक बस्ने भएको बताइएको छ । असद सरकारको पतनले रुस र मध्यपूर्वमा कस्तो प्रभाव पार्छ भन्ने अझै स्पष्ट भइनसकेको पोल्यान्स्कीले भनेका छन् 

विशेषगरी गोलान हाइट्समा संयुक्त राष्ट्रसङ्घले गस्ती गरिरहेको क्षेत्रहरूमा इजरायलको अस्थायी नियन्त्रणबारे छलफल गर्न आवश्यक रहेको उनले बताए ।  गोलान हाइट्समा रहेको राष्ट्रसङ्घले गस्ती गरिरहेको असैन्यकृत क्षेत्रमा इजरायलको अस्थायी कब्जाबाट उत्पन्न हुने अवस्थाबारे छलफल गर्नु विशेष जरुरी रहेको उनको भनाइ छ ।