अपाङ्गता भएका व्यक्तिहरूको ३३ औँ अन्तर्राष्ट्रिय अपाङ्ग दिवस मनाइएको छ । ब्राइट स्टार सोसाइटी र जे एण्ड जे हेल्थ एकेडेमीले मंगलबार एक कार्यक्रम आयोजना गरी ३३ औँ अन्तर्राष्ट्रिय अपाङ्ग दिवस मनाएको हो ।

जे एण्ड जे हेल्थ एकेडेमीका सञ्चालक तथा कन्सल्टेन्ट फिजिसियन डा. रोशन कुमार झाले फरक क्षमता भएका व्यक्तिलाई आफूले निःशुल्क उपचार गर्ने बताएका छन् । ‘अपाङ्ग भन्ने कोही पनि हुँदैन, हात खुट्टा चल्ने भएका मान्छेले मागेर खाएको देखेको छु,’ उनले भने, ‘खुट्टा नभएको मान्छे, आँखा नभएका मान्छे सगरमाथा चढेको देखेको छु । आफूलाई कहिलेपनि कमजोर नठान्नु होला ।’

संयुक्त राष्ट्रसङ्घको महासभाले सन् १९९२ मा घोषणा गरेदेखि हरेक वर्ष डिसेम्बर ३ मा अपाङ्गता भएका व्यक्तिको अन्तर्राष्ट्रिय दिवस विश्वभर मनाइँदै आइएको छ ।