बाराको कलैया नगरपालिका–१३ स्थित पानी ट्याङ्कीमा झुन्डिएका व्यक्तिलाई सशस्त्र प्रहरीले सकुशल उद्धार गरेको छ । पानी ट्याङ्कीमा झुन्डिएका ४० वर्षीय धिरेन्द्र चौधरीलाई सकुशल उद्धार गरिएको सशस्त्र प्रहरी बलका सह प्रवक्ता शैलेन्द्र थापाले बताए । 

बलिरामपुरमा निर्माणाधीन पानी ट्याङ्कीमा काम गर्ने क्रममा भारतीय नागरिक चौधरी झुन्डिएका हुन् । सशस्त्र प्रहरीको नम्बर–१२ गण बारा र प्रस्तावित सीमा सुरक्षा गुल्म मटिअर्वाबाट खटिएको टोलीले उनको उद्धार गरेको हो । उनलाई उपचारको लागी राज्यलक्ष्मी अस्पताल कलैयामा भर्ना गरिएको छ ।