निर्वाचन आयोगले  मङ्सिर १६ गते हुने स्थानीय तह उपनिर्वाचन अन्तर्गत उम्मेदवारविरुद्ध परेका उजुरी बारे आज निर्णय गर्दैछ ।

आयोगले अपराह्न ५ बजेसम्म उम्मेदवारको मनोनयन पत्र र उजुरी बारे छानबिन गरेर निर्णय गर्नेछ । आयोगले आज साँझ ६ बजेसम्म उम्मेदवारको नामावली प्रकाशित गर्ने बताएको छ ।

त्यस्तै आयोगले बुधबार उम्मेद्वारी फिर्ता लिने, अन्तिम नामावली प्रकाशित गर्ने र उम्मेदवारलाई चुनाव चिह्न प्रदान गर्ने कार्यसूची रहेको छ ।

यसअघि आइतबार उपनिर्वाचन हुने ४४ स्थानीय तहमा ४१० उम्मेदवारले मनोनयन दर्ता गरेका छन् ।