एजेन्सी । लण्डनबाट सिंगापुरका लागि उडेको सिंगापुर एयरलाइन्सको एक विमान आँधीको चपेटामा परेपछि एक जना यात्रुको मृत्यु भएको छ ।

मंगलबार सोही घटनामा परी ३० जना यात्रु घाइते भएका हुन् । मिडिया रिपोर्टका अनुसार हावा आँधीलाई एयर टर्ब्युलेन्स भनिन्छ र धेरै पटक यात्रु विमानहरू त्यसमा फसेर क्षतिग्रस्त हुन्छन् । यो पनि विमान एयर टर्ब्युलेन्समा फसेको घटना हो ।

सोही विमान एयर टर्ब्युलेन्समा फसेपछि बैंकमा अवतरण गराइएको एयरलाइन्सले जानकारी दिएको छ । उक्त बोइङ ७७७-३०० ईआर विमानमा कुल २ सय ११ जना यात्रु र १८ जना चालक दलका सदस्य सवार रहेको एयरलाइन्सले जनाएको हो ।

सिंगापुर एयरलाइन्सले मृतकका परिवारप्रति समवेदना समेत प्रकट गरेको छ ।