एजेन्सी । भारतको पश्चिमी राज्य गुजरातस्थित एक मनोरञ्जन पार्कमा शनिबार भएको आगलागीमा परी मृत्यु हुनेको संख्या २७ जना पुगेको छ ।

आगलागीमा परी दर्जनौं मानिसहरु घाइते भएको प्रहरीले बताएको हो । राजकोटका प्रहरी आयुक्त राजु भार्गवका अनुसार गुजरातको राजकोट मावारोडस्थित मनोरञ्जन गतिविधिहरूको हब ‘टीआरपी गेमिङ जोन’ मा भएको आगलागीमा परी अहिलेसम्म २७ जनाको मृत्यु भएको छ ।

मृत्यु भएकामा केही बालबालिका पनि रहेका हुन् । मृत्यु भएकाको शव परीक्षणका लागि अस्पतालमा पठाइएको छ । उनीहरूको मृत शरीर परीक्षणका लागि अस्पताल पठाइएको हो ।

मनोरञ्जन स्थलमा युवायुवतीको ठूलो भीड लागेको समयमा आगलागी हुँदा कोलाहल मच्चिएको थियो । गेम जोनमा वैकल्पिक ढोका नहुँदा दर्जनौं मानिस भवनको भग्नावशेषमा फसेको आशंका गरिएको छ ।

आगलागिको धुवाँ ५ किलोमिटर टाढासम्म फैलिएको थियो । आगलागीको कारण भने अहिलेसम्म खुलन नसकेको प्रहरीले बताएको हो ।