काठमाडौं । राष्ट्रिय स्वतन्त्र पार्टी (रास्वपा) का प्रमुख सचेतक सन्तोष परियारले नेपाली कांग्रेस संसदमा उपप्रधान एवं गृहमन्त्री रवि लामिछानेलाई बोल्न दिने कुरामा सकारात्मक देखिएको बताउनुभएको छ ।

सिंहदरबारमा मंगलबार सभामुख देवराज घिमिरेले प्रमुख राजनीतिक दलका शीर्ष नेताहरुसँग गर्नुभएको छलफलपछि सञ्चारकर्मीसँग कुरा गर्दै उहाँले यस्तो बताउनुभएको हो । प्रमुख सचेतक परियारले कांग्रेस सहज तरिकाले बोल्न दिनुपर्छ भन्ने ठाउँमा पुगेको बताउनुभयो ।

कुनैपनि हिसावमा समिति बनाउन जरुरी नरहेको पार्टीको निष्कर्ष रहेको पनि उहाँको भनाइ छ । व्यक्ति केन्द्रित भएर छानबिन समितिको माग गर्नु तर्कसंगत नरहेको उहाँको दावी रहेको हो ।

प्रमुख सचेतक परियारले आगामी संसदको बैठकमा गृहमन्त्री लामिछानेले उक्ता विषयमा आफ्ना धारणा राख्ने पनि बताउनुभयो ।