काठमाडौं । कोशी प्रदेशका निवर्तमान मुख्यमन्त्री केदार कार्कीको रिटमा अन्तरिम आदेश दिन सर्वोच्च अदालतले अस्वीकार गरेको छ ।

नेकपा एमालेका हिक्मत कार्की मुख्यमन्त्री नियुक्त भएपछि निवर्तमान मुख्यमन्त्री कार्कीले त्यस विरुद्ध सर्वोच्चमा रिट दायर गर्नुभएको थियो । सर्वोच्चका न्यायाधीश हरि फूयाँलको एकल इजलासले शुक्रबार अन्तरिम आदेश दिन अस्वीकार गर्दै विवादको टुंगो लगाउन उक्त मुद्दालाई पूर्ण इजलासमा पठाउने आदेश गरेको हो ।

आगामी जेठ ९ गते अर्को सुनुवाई सर्वोच्चको पूर्ण इजलासमा हुने भएको छ ।