काठमाडौं । इलाम-२ को प्रतिनिधिसभा सदस्य चयनका लागि शनिबार सम्पन्न भएको उपनिर्वाचनको मतगणना सोमबार पनि जारी रहेको छ ।

सदरमुकाम इलाम बजारका ३ वटा स्थानमा अहिले मतगणना भइरहेको हो । सोमबार साँझसम्म लगातार अग्रता बनाइरहेका नेकपा एमालेका उम्मेदवार सुहाङ नेम्वाङले अग्रता बढाउनुभएको छ । सुहाङले ताजा अवस्थामा नेपाली कांग्रेस डम्बर खड्कालाई ६ हजार ४ सय ३९ मतको फराकिलो अन्तरले पछि पार्नुभएको हो ।

सुहाङले देउमाई नगरपालिका-८ जितपुर, आमबोटे र पुरानो साङरुम्बाको मत गनिसक्दा १९ हजार १ सय १४ मत प्राप्त गर्नुभएको छ ।उहाँलाई पछ्याइरहेका कांग्रेसका उम्मेदवार खड्काले ताजा अवस्थामा १२ हजार ६ सय ७५ मत प्राप्त गर्नुभएको छ । उता तेस्रो स्थानमा रहेका पहिचान पक्षधरका स्वतन्त्र उम्मेदवार डकेन्द्रसिंह थेगिमले ९ हजार ४ सय १० मत प्राप्त गर्नुभएको हो ।

इलाम-२ मा चौथो स्थानमा राष्ट्रिय स्वतन्त्र पार्टीका मिलन लिम्बुले ३ हजार २ हजार ४२ मत प्राप्त गर्नुभएको छ । उहाँले देउमाईमा आइपुगेपछि प्रत्येक वडाबाट १ सय मत भन्दा बढी मत प्राप्त गर्न नसक्नुभएको हो ।

इलाम-२ उपनिर्वाचन अपडेट:

सूर्य -१९,११४
रुख- १२,६७५
मूढा-९,४१०
घण्टी -३,२४२

देउमाई ८ को अन्तिम परिणाम:

सुहाङ नेम्वाङ : ९१८ (सूर्य)
डम्वर खड्का : ३३६ (रुख)
डेकेन्द्र थेगिम : ७४ (मुढा)
मिलन लिम्बू : १७५ (घण्टी)