काठमाडौं । बझाङ प्रदेश सभा-१ को उपनिर्वाचनको आइतबार जारी मतगणनामा नेकपा एमालेका उम्मेदवार दमनबहादुर भण्डारीले दोब्बर मतको अग्रता बनाउनुभएको छ ।

एमाले उम्मेदवार भण्डारीले १ हजार ५ सय ९२ मत ल्याउँदा नेकपा माओवादी केन्द्रका जनक बुढाले ९ सय ९९ मत प्राप्त गर्नुभएको हो । यहाँ नेपाली कांग्रेसका अभिषेक बहादुर सिंहले ९ सय ५५ मत प्राप्त गर्दै तेस्रो स्थानमा धकेलिनुभएको छ ।

छबिसपाथिभेरा गाउँपालिका वडा नम्बर १, २, ३, ४ र ५ को मत गनिसकिएको हो । पछिल्लो पटक वडा नम्बर ६ को मतगणना सकिंदा माओवादी केन्द्रका उम्मेदवार बुढालाई अरु भन्दा दोब्बर मत झरेको हो । जसका कारण उहाँ दोस्रो स्थानमा रहनुभएको छ ।

बझाङमा नेकपा एकीकृत समाजवादीका दिलबहादुर सिंहले ताजा अवस्थामा ५ सय ७२ मत ल्याउनुभएको हो । बझाङमा सबै दलहरू एक्ला-एक्लै चुनावी मैदानमा थिए । यहाँ राष्ट्रिय स्वतन्त्र पार्टीले उम्मेदवारी दिएको छैन ।

बझाङ उपनिर्वाचन अपडेट:

दमन भण्डारी (एमाले):१ हजार ५ सय ९२ मत
जनक बुढा (माओवादी केन्द्र):९ सय ९९ मत
अभिषेक सिंह (कांग्रेस):९ सय ५५ मत
दिलबहादुर सिंह (एकीकृत समाजवादी):५ सय ७२ मत