प्रतिनिधिसभाको बैठक सुरु भएको छ । निर्धारित समयभन्दा करिब २ घण्टा ढिलो सुरु भएको सोमबारको बैठकमा बैठक सुरु हुनेवित्तिकै एमाले सांसदहरु आसनबाट उठेका थिए ।

एमाले सांसदहरु उठेपछि सभामुखले कांग्रेस सांसद सुनीलकुमार शर्मालाई संक्षिप्तमा बोल्न समय दिए र अरु सांसदलाई बस्न अनुरोध गरे । तर एमाले सांसदहरु सभामुखको आग्रहलाई बेवास्ता गर्दै उठिरहे । 

कांग्रेस सांसद शर्माले आफ्नो कुरा राख्ने क्रममा राज्यसत्ताले विना पुर्जी पक्राउ गरेको भन्दै पक्राउ गरेपछि पनि आफूमाथि दुर्व्यवहार भएको गुनासो गरे । त्यसक्रममा उनले आफ्नो पक्षमा बोलिदिने सबै पार्टीका सांसदहरुलाई धन्यवाद व्यक्त गरे ।