सेक्युरिटी प्रेस प्रकरणमा अख्तियारले साना माछा मात्र समात्यो : सांसद झा
काठमाडौं ।जनता समाजवादी पार्टीकी सांसद रञ्जुकुमारी झाले सेक्युरिटी प्रेस खरिद प्रकरणमा अख्तियारले ९ जनाविरुद्ध मुद्दा चलाएकोमा आफुलाई आश्चर्य लागेको टिप्पणी गरेकी छिन् ।
बुधबार प्रतिनिधि सभाको बैठकमा राष्ट्रिय सभाबाट पारित भएर प्रतिनिधिसभामा आएको ‘अख्तियार दुरुपयोग अनुसन्धान आयोग (तेस्रो संशोधन) विधेयक’ माथिको सैद्धान्तिक छलफलमा भाग लिँदै सांसद झालेकार्यकारी निर्देशक लगायत ९ जना व्यक्तिलाई मुद्दा चलाएपनि ठूला माछाहरुले भने उन्मुक्ति पाएको बताइन । उनले अख्तियारको कमजोरी कहाँनेर छ भन्ने प्रष्ट भएको भन्दै उनले सानो माछामा हात हाल्ने तर ठूला माछाहरुलाई भने छोडिएको टिप्पणी गरिन् ।
उनले भनिनर्, हामीले विगत देखिनै यस्ता चलनहरु धेरै देखिरहेका छौं । र अब हामी पनि यस विषयमा गम्भीर हुनु पर्दछ । अहिले भर्खर संविधानको धारामा व्यवस्था गरिएको २९३ मा जुन संवैधानिक निकायको अनुगमन र परिवेक्षण गर्नलाई संसदीय समीति पनि गठन गर्न सकिन्छ । म सम्मानीय सभामुख मार्फत यो कुरा भन्न चाहन्छु की एउटा समिति गठन होस् । ’
सांसदहरुलाई समेटेर एउटा समिति गठन गर्न आग्रह गर्दै उनले समितिले अख्तियार लगायतका संवैधानिक निकायहरुको काम कारवाही पनि हेर्न आवश्यक भएको बताइन ।उनले बोलेर मात्र अब केही नहुने पनि प्रष्ट पारिन ।
उनले भनिनर्, सांसदहरुले नै अब आफै निगरानी गर्यो भने यो भ्रष्टाचारन्यूनीकरण हुन सक्छ । हाम्रो देशमा त म नियन्त्रणको कुरै गर्न सक्दिन ।’
सांसद झाले अहिलेको विधेयकले अख्तियारलाई निजी क्षेत्रहरुलाई पनि हेर्न दिने व्यवस्था गरिनु स्वागतयोग्य भएको बताइन ।
उनले भनिनर्, सिक्टाको कुरा गर्दा जब त्यहाँको पुल भासिन्छ । अनि तब त्यहाँको माटो कमजोर छ भनेर आउँछ । पुल बनाउनु अगाडि किन त्यो माटोको परीक्षण हुदैन । अहिले विधेयकले ल्याएको कुरा राम्रो छ र यो हुन पनि आवश्यक छ । ’