नेकपा (एकीकृत समाजवादी) का अध्यक्ष माधवकुमार नेपालले सरकारमा हेरफेरको कुनै सम्भावना नरहेको बताएका छन् ।

तीन दिन अगाडि जनकपुरधाम आएका बेला गठबन्धनका नेता एवं नेकपा माओवादी केन्द्रका अध्यक्ष पुष्पकमल दाहालले सरकार हेरफेर हुन लागेको बताए पनि नेपालले जनकपुरधाममै त्यसको खण्डन गरेका हुन् ।

पार्टीको मधेश प्रदेशको विस्तारित बैठकलाई सम्बोधन गर्न जनकपुरधाम आएका अध्यक्ष नेपालले भने, ‘सरकार परिवर्तन हुँदैन् । यहीं सरकारले चुनाव गराउँछ ।’ गठबन्धनको सरकार बिभिन्न तहमा क्रियाशील रहेको र क्रियाशील रहिरहने उनले बताए ।