पछिल्लो २४ घण्टामा नेपालमा थप ७३ जनामा कोरोना भाइरस (कोभिड–१९) संक्रमण पुष्टि भएको छ । २९ महिला र ४४ पुरुषमा संक्रमण देखिएको हो। यो सहित कोरोना संक्रमितको संख्या २ लाख ७४ हजार २१६ पुगेको छ।

मन्त्रालयका अनुसार २४ घण्टामा ३ हजार ४९ जनाको पीसीआर परीक्षण गर्दा ७३ जनामा संक्रमण पुष्टि भएको हो ।  

स्वास्थ्य तथा जनसंख्या मन्त्रालयका अनुसार आज ६४ जना डिस्चार्ज भएका छन्। यो सहित निको हुनेको संख्या २ लाख ७० हजार ४७१ पुगेको छ। यस्तै ९ सय ६८ जना सक्रिय संक्रमित रहेका छन्। गत २४ घन्टामा कोरोनाबाट २ जनाको मृत्यु भएको छ।  नेपालमा कोरोनाबाट मृत्यु हुनेको संख्या २ हजार ७ सय ७७ पुगेको छ ।