(काठमाडौं) पछिल्लो २४ घण्टामा १२ सय ५५ जना कोरोना भाइरस (कोभिड–१९) संक्रमित थपिएका छन् । 

आइतबार स्वास्थ्य मन्त्रालयले दिएको जानकारीका अनुसार पछिल्लो २४ घण्टामा थप एक हजार २ सय ५५ जनामा संक्रमण पुष्टि भएको हो। यस दिन ८ हजार ८ जनाको पिसिआर परीक्षण भएको छ। 

 संक्रमणबाट थप २५ जनाले ज्यान गुमाएको पुष्टि भएको छ। अहिलेसम्म संक्रमणबाट एक हजार ४ सय ५४ जनाले ज्यान गुमाएका छन्।

साथै, १ हजार ४०४ जना निको भई घर फर्किएको मन्त्रालयले जनाएको छ। अहिलेसम्म नेपालमा २ लाख ३० हजार ७ सय २३ जनामा संक्रमण पुष्टि भइसकेको छ भने २ लाख ११ हजार १ सय  ८६ जनालाई निको भइसकेको छ। निकाे हुनेकाे दर ९१ प्रतिशत रहेकाे मन्त्रालयले जनाएकाे छ। 

हाल देशभर १७ हजार ९ सय ९ जना सक्रिय संक्रमित छन्।