मध्यपहाडी राजमार्ग अन्तर्गत गोरखाको निवेलदेखि निवेलठाँटीपोखरी सडक कालोपत्रेका लागि काम शुरु भएको छ । उक्त सडकखण्ड कालोपत्रका लागि दुई वटा प्याकेजमा विभाजन गरेर ठेक्का सम्द्मौता भएको थियो । 

निवेलदेखि मसानेठाँटीसम्मको करीव १२ किलोमिटर सडक कालोपत्रेको जिम्मा आशिष/डिएस जेभीले पाएको छ । यस्तै मसानेठाँटी देखि ठाँटीपोखरीसम्मको सडक कालोपत्रेको ठेक्का हिमडुङ प्यासिफिक जेभीले पाएको छ ।

दुबै सडक कालोपत्रेको काम दुई वर्षभित्र पूरा भैसक्नु पर्ने ठेक्का सम्द्मौतामा उल्लेख छ । दुईवटै प्याकेजमा सडक स्तरोन्रतीको काम शुरु भएको योजनाको पालुङटारस्थित कार्यालयका प्रमुख रामबहादुर गुरुङले बताउनुभयो ।

यसअघि ११ किला छेवेटार भालुस्वाँरा वारपाक सडक योजना अन्तर्गत रहको उक्त सडकखण्ड गत आर्थिक वर्ष मध्यपहाडीलाई हस्तान्तरण भएको थियो । मध्यपहाडी राजमार्ग अन्तर्गत निवेलदेखि ठाँटीपोखरीसम्मको सडकको लम्बाई २७ किलोमिटरको हुनेछ । 

निवेलबाट पुरानो ट्रयाकलाईनै विस्तार गरिने योजनाको पालुङटार कार्यालयका प्रमुख गुरुङले बताउनुभयो । सडक ११ देखि १२ मिटरसम्म फराकिलो हुनेछ । ७ मिटर कालोपत्रे हुनेछ । बाँकी भागमा टेवा पर्खाल, नाली लगायतका संरचना बनाइनेछ ।

मोडहरुमा भने आवश्यकता अनुसार सडक अद्मै फराकिलो बनाउने गरि सर्भे गरिएको गुरुङले भनाई छ । मध्यपहाडी राजमार्ग अन्तर्गत गोरखाको अरु खण्डको काम भने लकडाउनका कारण प्रभावित भएको छ । 
गत आर्थिक वर्ष आरुघाटबाट निवेलसम्मको करीव १३ किलोमिटर सडक कालोपत्रे गर्ने लक्ष्य राखिएको थियो । कोरोना संकट र लकडाउनका कारण लक्ष्य अनुसारको काम नभएको योजना कार्यलयले जनाएको छ ।