चाडबाडमा कम परीक्षण हुँदा संक्रमित पनि कम देखिए, अनुपातमा हेर्दा संक्रमितको दर बढ्दै
(काठमाडौं) मुलुक अहिले चाडपर्वको रौनकमा छ । घरघरमा दशैंको टीका थाप्ने क्रम अझै जारी छ । टीका थाप्नका लागि एक ठाउँबाट अर्को ठाउँ जानेको संख्यामा कुनै कमि आएको छैन ।
यसबीचमा सरकारले पीसीआर परीक्षण कम गरेपनि संक्रमितको संख्या भने ह्वात्तै बढेको छ । कात्तिक १ गते घटस्थापनाबाट सुरु भएको दशैंको योबीचमा संक्रमितको रफ्तार पनि बढेको छ । सँगसँगै मृतक पनि ।
सरकारले चाडपर्व लक्षित स्वास्थ्य मापदण्ड जारी गर्दै कोरोना भाइरसको संक्रमण फैलन नदिन पटकपटक नागरिकलाई सचेत गरायो । चाडपर्व मनाउने क्रममा आफन्त, साथीभाइबीच जमघट नगर्न पनि भन्यो ।
तर, केहीले मात्रै यसको पालना गरेको पाइएको छ । यद्यपी, धेरैले यस वर्ष टीका घरघरमै सीमित गरेको भएपनि कोरोनाको संक्रमण फैलने भने छोडेन । फलस्वरुप : कात्तिक १ गतेदेखि १२ गते बुधबारसम्मको तथ्यांक हेर्ने हो भने संक्रमितको संख्या समेत मृतकको संख्यामा कमि आएको छैन ।
तीन दिन पीसीआर परीक्षण कम हुँदा संक्रमित कम देखिएपनि अनुपातमा हेर्दा यसको दर भने बढिरहेकै छ ।
१२ दिनमा १ सय ६० ले ज्यान गुमाउँदा यही अनुपातमा हेर्ने हो भने एक महिना झण्डै ५ सयले ज्यान गुमाउने आंकलन गर्न सकिन्छ । सरकारले संक्रमितले १४ दिन क्वारेन्टिनमा रहेपनि विना जाँच डिस्चार्ज गर्न मिल्ने निर्णय लिँदा संक्रमित निको हुने क्रम बढ्दो छ । तर, चाडपर्वको बीचमा उपत्यकामा १७ हजार बढी थपिनु र संक्रमित पनि ३३ हजारका दारले भेटिनुले आउँदा दिन थप भयावह हुने संकेत गर्दछ ।
यसबाट जोगिन मास्क र सेनिटाइजरको प्रयोग गर्न भने छोड्नुहुँदैन । साथै, कोरोनालाई कम पक्कै आँक्नु पनि हुँदैन ।
