(भैरहवा) कोभिड–१९ को संक्रमणबाट बिहीबार दिउँसो भैरहवामा एक व्यक्तिको मृत्यु भएको छ । भीम अस्पतलमा उपचाररत रुपन्देहीको कञ्चन गाउँपालिका–१ का ५५ वर्षीय पुरुषको बिहीबार दिउँसो १ बजे मृत्यु भएको जानकारी अस्पतालका सूचना अधिकृत डा.नारायण पोखरेलले दिए ।

उनका अनुसार, ती पुरुष बुधबार राति साढे ८ बजे अस्पतालमा भर्ना भएका थिए । उनको गत मंगलबार पीसीआर परीक्षण भएको थियो । ती पुरुषमा उच्च रक्तचाप, मिर्गौला र मुटु सम्बन्धी रोग थियो ।