(हुम्ला) हुम्लाबाट कामका लागि सीमापारी चीनको ताक्लाकोट पुगेका करिब डेढ सय नेपाली मंसिरबाट भएको हिमपातका कारण नाका बन्द भएपछि ताक्लाकोट मै अलपत्र परेका छन्  ।उद्धारका लागि निवेदनसहित अपील गरेका भएपनि नेपाल सरकारले बेवास्ता गरेको उनीहरुले गुनासो छ । यसरी अलपत्र पर्नेमा १ जना बझाङ्गका, एक जना दार्चुलाका र १४६ जना हुम्लाका गरी १४८ जना रहेका छन् ।

पछिल्लोे समय चीनबाट कोरोना फैलिएपछि उनीहरूले उद्धारका लागि पहल गरिदिन कैलाश ब्यापार संघमार्फत जिल्ला प्रशासन कार्यालय हुम्लामा फागुन १८ गते नै पत्र पठाएका थिए ।

उद्धारका लागि अपील गर्नेहरुमा बालबालिका र गर्भवती महिलाहरुको संख्या पनि बढी छ ।

पहिला हिमपातका कारण बन्द रहेका हिल्सा नाका पछिल्लो समयमा कोरोना संक्रमणकै कारण दुवै देशको सहमतिमा बन्द छ । नाका बन्द पनि ताक्लाकोटमा कोरोना भाइरसको प्रकोप नभएकाले सबै नेपालीको अवस्था सामान्य रहेको ताक्लाकोटमा रहेकी कैलाश ब्यापार संघकी उपाध्यक्ष लामु लामाले फोन सम्पर्कमार्फत न्यूज २४ नेपाल डट टिभीलाई बताउनुभयो ।

पहिला हिमपातका कारण बन्द रहेका हिल्सा नाका पछिल्लो समयमा कोरोना संक्रमणकै कारण दुवै देशको सहमतिमा बन्द छ । नाका बन्द पनि ताक्लाकोटमा कोरोना भाइरसको प्रकोप नभएकाले सबै नेपालीको अवस्था सामान्य रहेको ताक्लाकोटमा रहेकी कैलाश ब्यापार संघकी उपाध्यक्ष लामु लामाले फोन सम्पर्कमार्फत न्यूज २४ नेपाल डट टिभीलाई बताउनुभयो ।