(काठमाडौं) प्रहरीले विदेशी मुद्रा विनिमयको मुद्दामा फरार एक जना प्रतिवादीलाई पक्राउ गरेको छ ।

पक्राउ पर्नेमा सिन्धुपाल्चोकको भोटेकोशी गाउँपालिका-३ बस्ने ३७ वर्षीया साङ्डोमा शेर्पा रहेकी छन् । काठमाडौंको स्वयम्भुबाट शेर्पालाई नेपाल प्रहरीको केन्द्रीय अनुसन्धान ब्यूरो महाराजगञ्ज काठमाडौंले पक्राउ गरेको हो।

२०७१ साल साउन २० गते सिन्धुपाल्चोक जिल्ला अदालतले उनलाई ६८ लाख ६२ हजार ४ सय १३ रुपैयाँ ६० पैसा जरिवाना तोकेको थियो ।

शेर्पालाई कैद भुक्तानका लागि केन्द्रीय कारागार काठमाडौंमा पठाइएको प्रहरी उपरीक्षक वेलबहादुर पाण्डेले जानकारी दिए।