(काठमाडौं) प्रहरीले जिउँदो सालकको अवैध बिक्रीमा संलग्न रहेको आरोपमा दुई जनालाई पक्राउ गरेको छ ।

पक्राउ पर्नेमा सिन्धुपाल्चोक घर भइ चापागाउँ बस्दै आएका ३३ वर्षीय टिके तामाङ र मकवापुर घर भइ पाटन बस्दै आएका १९ वर्षीय अनिश तामाङ छन् । महानगरीय अपराध अनुसन्धान महाशाखा, टेकुका प्रमुख एसएसपी सहकुलबहादुर थापाका अनुसार उनीहरुलाई सुन्धाराको सिभिल मल अगाडिबाट बिहीबार पक्राउ गरिएको हो ।

पक्राउ परेको दुवै जनार्लाइ थप अनुसन्धान तथा आवश्यक कारबाहीका लागि जिल्ला वन कार्यालय हात्तिसार पठाइएको थापाले बताए ।