(काठमाडौं) इलामको सूर्योदय नगरपालिका-५ अन्तुडाँडामा सञ्चालित एक होमस्टे (घरवास)मा सोमबार आगलागी भएको छ ।

स्थानीय मानवीर तामाङले सञ्चालन गरेको फ्याफुल्ला होमस्टेमा विजुली सर्ट भएर आगलागी हुँदा करिब २५ लाख मूल्य बराबरको धनमाल जलेर नष्ट भएको प्रहरीले जनाएको छ ।

आगलागीबाट तामाङको काठ र सिमेन्टले बनेको दुईतले घरको माथिल्लो तला जलेर नष्ट भएको छ । आगलागीबाट तामाङको घरभित्र रहेको ४ तोला सुन, नगद ५ लाख रुपैयाँ, लत्ताकपडा र फर्निचर लगायतका सामाग्री जलेर नष्ट भएको छ ।

स्थानीयबासीको सहयोगमा आगो नियन्त्रणमा लिनुका साथै घटनाकाबारेमा आवश्यक अनुसन्धान भइरहेको प्रहरीले जनाएको छ ।