काठमाडौँं : काठमाडौँको मुलापानीस्थित बाबा चोकमा पर्खालले किचेर तीनजनाको ज्यान गएको छ । बाबा चोकमा टहरामा बस्दै आएका बाराका तीनजनाको अर्काको घरको पर्खालले किचेर ज्यान गएको छ।।

महानगरीय प्रहरी परिसर बौद्धका डिएसपी नरेन्द्र चन्दका अनुसार ज्यान गुमाउनेमा देउरानी–जेठानी र एकजना १० वर्षीय बालक छन्।  मृत्यु हुनेहरुमा ३५ वर्षीया शर्मिला यादव, ३० वर्षीया मिनु यादव र १० वर्षीय कुन्दन यादव रहेका छन्। ‘टहरामा बस्दै आएका उनीहरुलाई अर्काको घरको बनिसकेको पर्खाल ढलेर किचेको हो’, चन्दले भने, ‘उनीहरु तीनैजनाको घटनास्थलमै मृत्यु भएको छ।’