काठमाण्डौ  ९ श्रावण  ।   कञ्चनपुरमा आफूमाथि धम्कीपुर्ण दुव्र्यवहार गरेको भन्दै कञ्चनपुरकी अधिकारकर्मी शारदा चन्दले एकजना प्रहरी विरुद्ध उजुरी दर्ता गरेकी छिन्। चन्दले आफूमाथि दुव्र्यवहार गरेको भन्दै वडा प्रहरी कार्यालय महेन्द्रनगरका प्रमुख प्रहरी नीरिक्षक इन्सपेक्टर  मोहनजंग बुढथापा विरुद्ध जिल्ला प्रशासन कार्यालयमा उजुरी दिएकी हुन्।

  प्रहरी नीरिक्षक बुढथापालाई गत साउन ६ गते रातिको समयमा आफू असुरक्षित रहेको भन्दै  टेलिफोन गर्दा कुनै प्रतिक्रिया नजनाएको विषयमा बुझ्न खोज्दा गैर जिम्मेवार पूर्ण अभिव्यक्ति दिएर आफूलाई दुर्व्यवहार गरेकाले कारवाहीको माग गर्दै चन्दले उजुरी दर्ता गरेको कञ्चनपुरका प्रमुख जिल्ला अधिकारी सुशिल वैद्यले जानकारी दियका छन ।

उनले चन्दको उजुरीका आधारमा घटनाको अनुसन्धान गर्न जिल्ला प्रहरी कार्यालयका प्रमुखलाई निर्देशन दिईएको बताएछ न ।अधिकारकर्मी चन्दले रातीको समयमा सुरक्षा माग गर्दा वडा प्रहरी कार्यालयका प्रमुख प्रहरी नीरिक्षक बुढथापाले रिस्पोन्स नगरेपछि दोस्रो दिन कार्यालयमै पुगेर भेट्दा धम्कीपूर्ण र गैर जिम्मेवार अभिव्यक्ति दिएको आरोप लगाएकी छन्।