सामसङ नेपालको ‘अपग्रेड टु ग्यालेक्सी’ अभियान घोषणा, पुरानो मोबाइल साटेर नयाँ फोन लिन सकिने
काठमाडौँ — सामसङ नेपालले ‘अपग्रेड टु ग्यालेक्सी’ नामक नयाँ ग्राहक अभियान सुरु गरेको छ, जसअन्तर्गत ग्राहकहरूले आफ्नो पुरानो मोबाइल साटेर नयाँ ग्यालेक्सी स्मार्टफोनमा अपग्रेड गर्न सक्नेछन्।
कम्पनीका अनुसार यस अभियानमार्फत ग्राहकहरूले आकर्षक छुट, अतिरिक्त एक्सचेन्ज बोनस, विशेष टेलिकम अफर तथा सहज फाइनान्सिङ सुविधा पाउनेछन्।
अभियानअन्तर्गत ग्राहकहरूले ० प्रतिशत डाउन पेमेन्टमा २४ महिनासम्मको ईएमआई सुविधा पनि उपयोग गर्न सक्ने कम्पनीले जनाएको छ। साथै, पुरानो चयनित डिभाइस साट्दा अधिकतम रु. ८,००० सम्मको अतिरिक्त एक्सचेन्ज बोनस प्राप्त गर्न सकिनेछ।
सामसङले विभिन्न मोडेलका लागि निश्चित छुट र एक्सचेन्ज बोनससमेत सार्वजनिक गरेको छ।
S26 Ultra: रु. १०,००० छुट, रु. ८,००० एक्सचेन्ज बोनस
S26+: रु. २३,००० छुट, रु. ८,००० एक्सचेन्ज बोनस
S26: रु. १०,००० छुट, रु. ८,००० एक्सचेन्ज बोनस
A57: रु. ५,००० छुट, रु. ५,००० एक्सचेन्ज बोनस
A37: रु. ५,००० छुट, रु. ५,००० एक्सचेन्ज बोनस
कम्पनीले यो योजना ग्राहकलाई सहज रूपमा नयाँ प्रविधिमा अपग्रेड गर्न सहयोग गर्ने उद्देश्यले ल्याइएको जनाएको छ।
