कोरलानाकाबाट ११ दिनमा ५४३ टन चिनियाँ फलफूल आयात, सडक अवरुद्ध हुँदा कुहिने जोखिम
नेपाल–चीन उत्तरी कोरलानाकाबाट ११ दिनमा ५४३ टन चिनियाँ फलफूल आयात भएको छ। तर भारी वर्षा र हिमपातपछि बेनी–जोमसोम–कोरला सडक अवरुद्ध हुँदा फलफूल गन्तव्यमा पुर्याउन समस्या भएको छ।
क्वारेन्टाइन कार्यालयका अनुसार पछिल्लो ११ दिनमा ८७.३ टन स्याउ, १६.१ टन आँप र ८.३१६ टन ड्रागन फ्रुटसहित फलफूल आयात भएको छ।
सडक अवरुद्ध हुँदा कन्टेनरमा लामो समय फलफूल राख्नुपर्दा सड्ने जोखिम बढेको छ। यसैबीच, जोमसोममा करिब आठ टन ड्रागन फ्रुट कुहिनबाट जोगाउन स्थानीयलाई वितरण गरिएको छ। उक्त फलफूलको मूल्य, ढुवानी र भन्सारसहित करिब ३० लाख रुपैयाँ बराबरको क्षति भएको जनाइएको छ।
