पश्चिमतर्फ सर्दै गरेको चान–होम चक्रवात बुधबार जापानको इबाराकी प्रान्तमा अवतरण गरेको जापान मौसम विज्ञान विभाग (जेएमए)ले जनाएको छ।

चक्रवात कमजोर हुँदै गए पनि यसको प्रभावका कारण टोकियोसहित कान्तो–कोसिन र तोहोकु क्षेत्रमा बाढीको सम्भावना रहेकाले मौसम विभागले सतर्कता अपनाउन आग्रह गरेको छ। यो जापानमा यस वर्ष आएको १५औँ टाइफुन हो।

चक्रवातका कारण इवाटेमा दुई, इबाराकीमा चार र तोचिगीमा एक गरी सात जना घाइते भएका छन्। मौसम अधिकारीहरूले तोहोकु, तोकाई र किन्की क्षेत्रमा आगामी २४ घण्टामा १२० मिलिमिटरसम्म वर्षा हुन सक्ने पूर्वानुमान गरेका छन्।